Səmədli Nilay Fuad qızı, 2016-cı ildə Bakıda anadan olub. Hal-hazırda Şuşa rayon 7nomreli məktəbin 4-cü sinif şagirdidir.
Nilay 4 yaşından Zabratda yerləşən "Xan" İdman klubunda Kyokuşin karate idman növü ilə məşğul olur. Müəllimi Azadxan Qasımovdur. İlk vaxtlar sağlamlıq üçün idmana getməyi düşünsə də, sonradan müəllimi onun bacarıqlı olduğunu və texnika ilə döyüşdüyünü görərək, Nilayı yarışlarda iştirak etməyə dəvət edir. İlk yarışda o, 2-ci yerə layiq görülür. Daha sonra Nilay tez-tez həm Bakıda, həm də digər rayonlarımızda keçirilən yarışlarda iştirak edir. Ailəsi ona dəstək olur, bütün yarış və kəmər imtahanlarında iştirakı üçün şərait yaradır. Nilay "ZƏFƏR KUBOKU" turnirində, "18 oktyabr - Müstəqillik Günü"nə həsr edilmiş açıq turnirdə, Şağan Olimpiya Kompleksində qətlə yetirilən Turan Rüatəmovun xatirəsinə həsr olunmuş Respublika Turnirində, İFK Kyokuşin Karate növü üzrə birincilik üzrə, 26iyun - Silahlı Qüvvələr Gününə həsr olunmuş Respublika turnirində və bir çox digər yarışlarda iştirak etmişdir. Nilay Respublika çempionatında iştirak edərək, öz yaşıdları arasında Respublika Çempionu olmuşdur. Bu yarışlardan Nilay 8 medal (2-si 2-ci yer, 6-sı 1-ci yer) və 2 kubok qazanmışdır. Eyni zamanda 3 Fəxri Fərman, 8 diplom və bir çox sertifikatlara layiq görülmüşdür. Nilay "Xan" İdman klubunun ən yaxşı döyüşçüsü Fəxri Fərmanıyla təltif olunmuşdur. O, həmçinin kəmər imtahanlarını da uğurla başa vuraraq, yaşıl kəmərə qədər yüksəlmişdir. Hal - hazırda Xan İdman klubunda idman dərslərinə davam edir.